oOoواخيراااااااااا اتخرجت oOo

اخيراااااااااا اتخرجت

ومبقاش ناقصنى حاجة

ومحدش لة كلمة عليا

ومحدش لة عندى حاجة

7/8/2010 دا كان يوم تاريخى يا فندم


خلاااااااص
الحمد لله
الحمد لله الحمد لله

نجحت وبتقدير جيد كماااااااان ... الله اكبر

انا اللى كان يقولى شدى حيلك وعايزين تقدير

اقوله عايزه اطلع نضيف ..دا كان اقصى طموحاتى



اخيرا القطر التعليم وقف

من ساعه ما اتولدت وبدا مخى يشتغل لاقيت نفسى قاعده فى فصل سنتين حضانه

وخمس سنين ابتدائى وتلاته اعدادى و تلاته زيهم ثانوى

واخيرهم اترزعت 4 سنين فى كليه التربيه قسم انجليزى

... محدش يسالنى فى الانجليزى لحسن مضروب ...

حسبى الله ونعم الوكيل

فى اللى عملوه فينا من اول ما دخلنا

واحنا حقل تجارب ليهم


بغض النظر عن اى حاجه اذكروا محاسن موتاكم ... اقصد كليتكم D:D:


برده قعدت فيها اربع سنين ... مع انهم اسود اربع سنين فى حياتى


والله ما ببالغ بس بجد كليه مقرررررررررفه

حد يقول ناخد 12 ماده فى الترم يعنى 24 ماده فى السنه

والله 24 ...يبقى 6 تربوى و 6 تخصص (انجليزى)


حد يقول نمتحن مادتين فى اليوم

يعدى ادخل الساعه 9 اخد ورقتين لمادتين مختلفتين لدكتورين مختلفين D:D:


والله ما بهرج ... دا ولا الابتدائى

لما كنا بناخد دين وعربى وحساب وانجليزى


كفايه انى اخر يوم امتحانات وقفت فى نص الكليه ورفعت ايدى للسما

ومن كل قلبى قلت حسبى الله ونعم الوكيل مشوفتش فيكى يوم عدل



وال ايه ماما تقولى اعملى دبلومه وكملى

انا ما صدقت اخرج منها على رجليا....ارجع لها تانى وبمزاجى


يانى يانى يانى ومش هذاكر تااااااااااانى

مفيهاش حاجه حلوه

مين قال ان البلد دى لسه فيها حاجه حلوه

مفيهاش حاجه حلوه

لو كان فيها حاجه حلوه يبقى

الشهيد خالد سعيد

يبقى الشباب اللى فى صفحه كلنا خالد سعيد

يبقى الفقير اللى مش لاقى لقمه عيش

تبقى اللى دايخه على المعاش جوزها عشان 150 جنيه

يبقى اللى نايم فى الشارع مش لاقى حته تتاويه ولا غطا عليه

يبقى اللى عاطل ومش لاقى شغلانه

يبقى المريض ومش لاقى علاج عشان الدوا غالى عليه

يبقى اللى عايز يتعالج على نفقه الدوله و مش لاقى سرير

يبقى اللى اتنقل له دم ملوث .. واللى اتسرقت كليته.... واللى خد على قفاه ومقدرش يتكلم

يبقى اللى متعينش عشان الكوسه وابن سعاده البيه

يبقى اللى زهق وقرف وباع اللى حيلته عشان يغرق فالبحر

يبقى اللى ركب سفينه وغرقت والسمك اتعشى بيه

يبقى الغلبان اللى ركب قطر واتقلب بيه

يبقى اللى حياته كلها طوابيييييييييييييييييييييييييييير

ايييييييييييييييييييييه بقى

مفيش فى البلد دى حد ضميره صاحى

حد يخلصنا من الهم والفقروالذل والاهانه .... حد يجيب حق الغلبان من سعاده الباشا والبيه

عايزين ناصر جديد ... عايزين ثوره جديده

عايزين البلد تنضف .... عايزين حقنا يرجع

ايه يا مبارك مش ناوى تجيب لنا حقنا مش ناوى تعمل حاجه عشان زهقت منك خلاص

مستنياك تعمل حاجه من ساعه السودان

وضحكت علينا بكلمتين

دلوقتى حق اللى مات فين ... من قتل يقتل ولو بعد حين ... بقرار منك هتبرد قلبنا من غير محاكمه ولانيله ... هو حد كان حاكمه قبل ما يتقتل


اللى حصل لخالد هيحصل لاخويا وابويا وابن عمى وكل دا ليه

ولو سكتنا ونسينا يبقى نستاهل ضرب الجزم

مع الاعتذار للجزم

مش هننسى

مش كل مصيبه تحصل لنا الحكومه تنام ع الموضوع وشويه والشعب هينسى

خلاص بقى فهمنا اللعبه

ومش هننسى

هو احنا يبقى دمنا رخيص فى بلدنا وهنسكت

مش كفايه اللى اتقتلت واللى اتصلب واللى اتهان واللى اتطردوا واللى اتضربوا بره

ومحدش جاب حقهم

كمااااااااااااان هترخصونا فى ارضنا

لو كان جمال ولا السادات موجود مكنش كلب من كلاب الحكومه موجود فى مكانه دلوقتى

مش هننسى

لو كان ((كلب )) مش بنى ادم... لاى دوله تانيه حد داس له على طرف بره كانت الدنيا هتقوم ومش هتقعد

حد بقى يعمل حاجه ويجيب حقنا عشان كرهت اللبلد دى خلاص

اللى هلاقيه يشتم فى البلد .... مش هقوله عيب ... هقوله عندك حق ... وهكمل وراه

ابنك مش احسن من ولادنا يا محترم

حسبنا الله ونعم الوكيل فيك
انت واللى زيك

هو احنا خلاص يعنى هو مفيش دم للدرجه دى

مش كفايه الافلام اللى كل واحد يجيب رقاصه ولا مغنيه وشويه بوس ومايوهات ومسخره


ويعملها فيلم ويبيع والقنوات تشترى والناس تتفرج واللى مشافش فالسينما يشوف البيت غصب عنه


بس اكيد الواحد ممكن يكون عنده شويه دم بيجرى فى عروقه وبيحس على دمه


لما يطلع الاستاذ احمد السقا فى كل لقاء يقول ال ايه


انا ابنى يس مش بخليه يشوف فيلم عن العشق والهوا ولا ابراهيم الابيض ...!!!!!!!!!



وانت ابنك دا ابن مين اصلا ؟؟؟؟ ولا احسن من مين؟؟


..هو انت تبلينا بافلامك وتحرمها على ابنك


زى ما بتراعى ربنا فى ابنك راعى ربنا فى ولاد الناس اللى بتتفرج على افلامك


يعنى ايه الفكره فى فيلم متخلف زى ابراهيم الابيض دا ومناظر العنف والبلطجه اللى فيه


والسكاكين والدم دى انا مشوفتش الفيلم كله ومقدرش اشوفه بس اللى انا شوفته منه كفايه اوى



حد يقول هو مجبش حاجه من عنده والكلام دا موجود و احنا بنحب نحط راسنا فالتراب زى النعام


هقولك صح بس لو الكلام دا موجود فى العشوائيات او فى مصر بنسبه 10%



بعد فيلمك الكل هيقلدك وكل واحد يعمل فيها راجل ويعمل زيك



يعنى ممكن النسبه تعلى تبقى 50% ويمكن اكتر يبقى كده الفيلم نجح فى انه يزود البلطجه صح !!!!!!!!!!!!!!!!!!!

لا كده نحط راسنا زى النعام احسن



انت مش عارف المسؤليه اللى عليك يا محترم انت واللى زيك وان الشباب بيقلدوك



هى اى حاجه تتناقش وتتعرض مش الفيلم بتاعك اللى هيعالج المشاكل دى ؟ ولا انت اللى هتعالجها


وصوره مصر بره بقت زفت من افلامك وافلام خالد يوسف والحشرات اللى بقوا بيدخلو بيوتنا بالعافيه


عايزاك تقولى بقى بعد ما عملت الفيلم دا ايه النتيجه ؟؟؟؟؟؟؟؟


يا ترى البلطجه خلصت ؟؟؟ بالعكس دا يمكن اللى قلدوك كترواا


كلمه اخيره اتقى ربنا فى ولادنا اللى احسن من عشره زيك وزى ابنك


وفكر قبل ما تعمل فيلم ابنك اللى انت فرحان بيه ينفع يتفرج ع الفيلم دا ولا لا


لو رضيته على ابنك ابقى ارضاه على ولاد الناس


ومتقولش الكلمه دى تانى فى اى قناه وبلاش استفزاز من فضلك