فى حاجه غايظانى ومضايقانى اوى
ومينفعش ادخل على امتحانات كده وانا فى نفسى حاجه
لازم اطلع اللى جوه لحسن يجرالى حاجه
فى حجات كده مسلم بها فى مجتمعنا ولازم نمشى عليها من غير ما نقول تلت التلاته كام
ومنها البنات متركبش عجل ليييييييييييييييه ؟
مهو البنات بتسوق عربيات عاااادى
ليه البنات تركب عجل فى المصيف عادى جداااااا وتلاقى الشوارع كلها بنات
وكلهم راكبين عجل وبتوع العجل مش ملاحقين عليهم عينى بارده :D
مهو يا عينى عندنا كبت ومينفعش يخرج غير فى المصيف بس
طب رخامه برخامه بقى انا عايزه افهم لييييييييييييييه ؟
بغض النظر عن انى بعرف اركب عجل ولا لا بس شغال
ممكن اكسر لى عربيه ولا اتنين يوم ما افكر اركب عجل وادخل فى تلاته اربعه ماشيين عادى
واخبط فى حيطه ولا اتنين مش مشكله
ولو مرحتش المصيف سنه استنى سنتين من غير ما اركب عجل
لازم نستنى من السنه للسنه عشان نركب عجل :D:D
يلا خلينا دلوقتى فالامتحانات ونسيب العجل على جنب شويه
طلب اخير
كل واحد يدخل البلوج بليز يدعيلى
عشان داخله على امتحانات وربنا يعديها زى اللى قبلها ما عدو :D:D
ياااااااااارب
هناك 3 تعليقات:
ربنا يعجي الأمتحانات دي زي اللي قبلها
أما بالنسبه للعجل
فاحنا في مجتمع شرقي
يعني مثلا لو انتي نزلتي الشارع ولقيتي بنت راكبه عجله وهيا مثلا عندها 20 سنه
هتقووولي ايه في نفسك وبصراحه ؟
دا غير انه يعتبر شئ ملفت للنظر ان الكل هيشوف مين اللي راكب العجله
تحياتي
ربنا يعدى الامتحانات على خير وبالتوفيق ان شاء الله
اما بالنسبة لموضوع العجل انا رأيى خليكى مجنونة واعمليها بس برده خلى فيها شوية عقل اهم حاجة خلى عندك الحرية الكافية انك تعملى اى حاجة فى اى وقت طالما مش بتضرى حد
مهو يا على اللى انا بستغربه اننا ليه بنستغرب نلاقى البنات تركب عجل فى المصيف ومش مسموح او مش طبيعى نلاقيها ماشيه فى وسط البلد راكبه عجل
ههههههههههه ماشى يا مانو هتلاقينى طالعه على العاشره مساءا والقاهره اليوم وفضيحتى بجلاجل ساعتها
إرسال تعليق