احنا عالم غريبه

بجد والله احنا ناس غريبه جدا

ومجتمع اغرب

وسبب التخلف اللى احنا عايشين فيه دا والمستوى اللى وصلنا ليه


ولو كانت الحكومه بتسرقنا والتجار بيغلوا الاسعار و كل واحد عايز يعمل ريس ولو على حبه بط


فالسبب فى كل دا هو احنا


والافكار اللى معششه فى نافوخنا واللى مش بنعرف نغيرها

وعمر ما حالنا دا هيتعدل

بسببنا


موقف غبــــــــــــــــى حصل



داخله سكشن خنيق


كالعاده باخد اخر كرسى اخر القاعه جنب الشباك


الركن البعيد الهادى


بس لفت نظرى حاجه ان واحده اعرفها على طول بتاخد موبايلى كانت جايه اول يوم ولابسه اسدال


ماشاء الله ربنا يهدينا جميعا


شويه وجت قعدت قصادى هى واتنين زمايلنا


لحسن الحظ نسيت الهاند فرى بتاعى


فشغلت الاغانى والصوت مش عالى اوى


انا اصلا مبحبش اللى يسمع ويسمع الناس معاه (يبقى محدث نعمه )


المهم الهانم تقولى ايه (... اسمى.....) حطى الهاند فرى )


نعااااااااااااااااااااااااااام بكل قله زوق مش تقولى اوطى الصوت شويه


لا بالامر احط الهاند فرى والصوت مش عالى اصلا


المهم بصيت لها وكانها مش قدامى اساسا ولا عبرتها وبصيت فى الشباك

الكلام دا كان يوم الاربعاء بالظبط

جيت يوم السبت

الاقى ايييييييييييييييييه





















الشيخه مش لابسه الاسدال


ايه اللى حصل



بالصدفه واحده صاحبتها ومن اللى كانوا واقفين

جت تكلمنى

قلت لها هى صاحبتك قلعت الاسدال ليه ولا هى بتغير فى اللبس يعنى

قالت لى اصلها مش عارفه تمشى بيه ووقعت وهى ماشيه ( يا ضناااااااااايا )



عدى الاسبووووووع


ووصلنا ليوم الاربعاء السكشن تانى




برده فى الركن البعيد الهادى والهانم جت قصادى

بس المره دى مش بالاسدال


شويه والاقيها تقولى ايييييييييييييييييييه ؟










(........) ممكن الموبيال اخد منو حاجه .............


سبحان مغير الاحوال


انا بقى بكل غلاسه قلت لها لا مش بديه لحد وبعدين خلى الاغانى اللى بتسمعيها على قدك




هو احنا ليه كده فى كل حياتنا معندناش وسط يا نحب اووووووى يا نكره اوووووووووووووووى


نتعصب اوى لفكره ونكسر الدنيا كان هو دا الصح ومفيش صح غيره ( وننسى اننا فى يوم كنا بنعمل الغلط وشايفين انو صح )


يا نبقى زى القطط نخاف ونجرى من اللى رايح واللى جاى


و يا نعمل اعتصامات واحتجاجات ونخرب الدنيا يا نحط راسنا فى الرمل زى النعام


انا مش بقول عليها انها ليست اسدال شرعى ربنا يهدينا كلنا


انا بقول علينا كلنا لما نيجى نطلب حاجه من حد نطلب بادب ليه محدش بيحترم التانى


وهو بيكلمه كانه مكنش فى يوم من الايام زيه


ليه مش بنحترم عقليه بعض لما بنتكلم كل واحد شايف نفسه ع التانى


ليه مش بنعمل زى ما ربنا ما قال (وادعوا الى سبيل ربك بالحكمه والموعظه الحسنه) صدق الله العظيم


مش تكره الناس فينا وفى اللى بيلبسوا زيها واهى فى ثانيه مكملتش وقلعته وبقى شكلها زفت بعد الموقف دا


مهو بعد كده لو حد شاف حاجه صح واتكلم باسلوب وحش مع حد التانى مش هيعمل الصح عندا فيه مش اكتر

وبكده هنفضل محلك سر وعمرنا ما هنمشى خطوه لقدام لا هنمشى للخلف در ديماااا