يوم الامتحان

بفتح عنيا على غير العاده من غير المنبه ما يرن ولا حد يقلقنى


كان عندى احساس انى نمت 3 ايام


وبقول بينى وبين نفسى هو لسه بدرى ولا ايه ؟؟


مديت ايدى اشوف الساعه لاقيتها بقت 8.45 am


ايه؟؟؟


ازاى ؟؟


الامتحان


نطيت من ع السرير من غيرما افكر.. فتحت الباب ونزلت جرى ع السلم


ايه دا دا انا حتى مغيرتش هدومى ؟؟؟؟؟


دقات قلبى بتزيد كان كل اللى بقوله يارب الحق اللجنه


بجرى بسرعه بس حسه انى مش بتحرك


رجلى تقيله .....كأن حاجه بتشدى لورا


مش قادره اخد نفسى خلاص هتخنق


ياارب اوصل بسرعه


هى المسافه بقت طويله كده ليه


ايه الطريق الغريب دا .. انا همشى منين !!!!!!!!!!؟؟؟؟؟؟؟؟؟؟؟؟؟


المدرسه كانت هنا هى راحت فين ؟؟؟؟ انا تهت ولا ايه ؟؟


يااااااااااارب تعبت... ايه دا ؟؟؟


ايه النفق دا اول مره اشوفه فالشارع ... يمكن المدرسه من هنا ؟؟


دخلت وكنت خايفه حد يطلعلى ..... النفق شبه مظلم


عماله اجرى ... وحسه ان رجلى طايره من على الارض ... الوقت بيعدى


طلعت من النفق على شارع غريب فيه ناس غريبه ماشيه


وكلو بيبصى لى باستغراب


هو انا فيا حاجه غلط !!!!!!!!!!!!!!!!!!!!!!!!!!


يارب ايه اللغبطه اللى انا فيها دى


دا انا ورايا امتحان

قعدت اجرى زى المجنونه لحد ما لاقيت المدرسه

لسه مش فاهمه ايه اللى بيحصلى انهارده


الباب كام مقفول قعدت اخبط اخبط عشان حد يفتح لى


فتح البواب ومكنش عايز يدخلى قعدت اعيط له صعبت عليه دخلنى


طلعت بسرعه دورت على اللجنه كانو لسه هيوزعوا الورق الحمد لله


قعدت حاولت اهدى عشان اركز لما اخد الورقه


كفايه اللى حصلى ع الصبح كل البنات بيبصوا عليا مستغربين


ايه دا مش معايا قلم ...... هكتب بايه
وقعدت اعيط


المراقبه صعبت عليها جابت لى قلم من واحده ورايا


خدت ورقه الاجابه .


مكنتش فاكره اسمى ؟؟؟ والقلم بيقطع


لازم اهدى عشان افتكر .. انا كان اسمى ايه ؟؟ هما بيندهولى يا ايه ؟؟


مش فاااااااااااااااااكره


المراقب حط ورقه الاسئله قدامى


و كانت الصدمه





لاااااااااااااااااااااااااااااااااااااااااااااااااااااااااااااااا









ايه دا انا مش عارفه الماده دى


هى حاجه بين الفيزيا و الكيميا .. وكمان مش عارفه اسمها


هو احنا المفروض فى الجدول علينا ايه ؟؟؟؟


دا انا كنت مذاكره تاريخ .


كل اللى حوليا بيحلوا

وانا هيغمى عليا

انا مش عارفه حاجه فى الماده دى


هى تقريبا فيزياء بس انا اللى مش مركزه


انا عمرى ما امتحنت فيزياء ولا بحبهااا انا كده هسقط ولا ايه


انا مش فاهمه حاجه من اللى مكتوبه طب اعمل اييييييييييييييه ؟؟؟؟؟؟؟؟؟


انا والله شاطره وبذاكر على طول بس ايه اللى بيحصل لى دا


الوقت بيعدى ومكتبش حاجه فى الورقه


كده سقطت خلاص


مخنووووووووووووقه


كفاااااااااااااااااااااااااااااااااااااااااااااااااااااااااااااااااااااااااااايه

ومره واحده

اصحى يا جيجى اصحى يلا الساعه بقت 2 كفايه نوم كده

ياااااااااااااااااااااااااه

ماماااا انتى هنا

مجتيش من بدرى ليه دا انا كنت هموت

نطيت من ع السرير وراها

ولسان حالى بيقول يخربيت الامتحانات على ايامها السوده..... هو انا مش ربنا تاب عليا منها

الظاهر ان انا حتى بعد ما خلصت دراسه هفضل امتحن فى الكوابيس هههههههههههه

تخاريف اخر ايامى

كمان كام يوم مصر هتحتفل بعيد الجلاء .......وانا هحتفل بعيد ميلادى

هخلص سنه كمان من عمرى

وبرده هسال نفسى نفس السؤال اللى بساله كل سنه

ياترى اللى جاى قد اللى راح ؟؟؟ ولا اقل ؟؟ ولا مبقاش فاضلى كتيييير

وطبعا مبعرفش الاجابه

وياترى السنه اللى جايه هيكون مكتوب لى فيها ايه ؟؟؟؟ يارب تبقى احسن من الاتنين اللى قبلها

طب انا طول عمرى متعوده عيد ميلادى بيجى فى الامتحانات

دى اول مره عيد ميلادى يجى واكون راكنه فى البيت .. اقصد عاطله يعنى D: يمكن دا الجديد السنه دى

طب مين اللى هيفتكرنى ويقولى كل سنه وانتى طيبه !!!!!!!!

عارفه يا ماما لو نسيتى تقوليلى كل سنه وانتى طيبه زى السنه اللى فاتت .... هزعل منك ...مش هزعل اوى انتى عارفه انى بحبك ومبزعلش منك .. بس مش حلوه علياء تقولهالى قبل منك

عايزه اسمعها منك الاول

وطبعا انتى اللى بتفكرى بابا ان انهارده عيد ميلادى زى كل سنه

والبت علياء هتفتكر عيد ميلادى زى ما انا بفتكر عيد ميلادها ولا هتنسى اممممم عادى يعنى ممكن تنسى ما احنا مبقناش مع بعض زى ايام الجامعه ...... بس لا لا مش هتنسى لو كنت انا نسيت عيد ميلادها كانت هى تنسى عيد ميلادى


ياااااترى هتجيلى رساله الساعه 12 ............... !!!!!!!!!!!!

طب انا السنه دى مفيش حاجه حلوه حصلت لى غير انتى اتخرجت الحمد لله يمكن دى الحسنه الوحيده اللى فيها

من ساعه ما دخلت فالعشرينات وانا كل سنه باخد مطبات لما اتبهدلت

ياااااااااااه انا مش واخده بالى .............. انا كبرت اوى وقربت اعجز

طب هى الايام فعلا زى ما كانو بيقولوا زمان بتجرى بسرعه ليه.. سنه ورا سنه ورا سنه واحنا مكناش بنصدق

دا انا كمان 8 سنين هدخل فى ال30 يااااااااااااخبر وشويه ع 40 يا لهوووووووووووى

دا انا كنت بفرح اوى لما كنت بكبر كل سنه بحسبها ولما بقيت 10 سنين كنت طايره من الفرحه

طب والعمل فى القطر اللى ماشى ومش عايز يقف دا



يلا الحمد لله على كل حال هستنى بقى 365 يوم عشان اعرف اجاوب على كل الاسئله دى


ليا طبعا امنيات السنه الجديده

ان ربنا يطولى فى عمرك يا ماما ويخليكى ليااا ويفرحك بيا وباخواتى ياااارب

ويارب السنه دى اقرب فيها لربنا اكتر من اى سنه عدت واكتر من السنه دى كمان


اللهم أحيني ان كانت الحياة خيرا لي وأمتني ان كان الموت راحه لي

ام الشهيد

0109283502

دا تليفون مدام ليلى والدة الشهيد خالد سعيد

كلموها او ابعتولها رساله وقولوا لها كل سنه وانتي طيبه يا أمي

اكيد محتاجه تسمع الكلمه دى من كل ولاد مصر يمكن يعوضوها عن صوت ابنها اللى اتحرمت منه انهارده

ان عن نفسى بعت لها رساله لانى مش هقدر اكلمها

مكنتش هعرف امسك نفسى الصراحه لو كلمتها وسمعت صوتها

ودى ارقام بعض امهات الشهداء

الأرقام،، من جروب كلنا خالد سعيد

الشهيد أحمد بسيوني
0164455070

الشهيد أحمد عبد الرحيم السيد

0101101898

الشهيد أحمد إهاب محمد فؤاد عباس

0222741042

الشهيد إبراهيم رضا محمد

0161164719

الشهيد إبراهيم سمير أحمد محمد سعدون

0122995120

الشهيد مصطفى العقاد

0101974108

الشهيد مصطفى الصاوى

0199616141

الشهيد إبراهيم علي صالح

0146331935

الشهيد أحمد سالم عيسي محمد

0179750765

رفح منزل

086- 3300218

الشهيد أحمد سمير السيد

المنزل القاهرة

23200620

0127365625
الشهيد أحمد صابر مصطفي

0195594174

الشهيد أحمد عبد الرحيم السيد

0101101898

الشهيد أحمد عبد العاطي سيد

0119967385

0194966039

الشهيدة أميره سمير السيد دويدار

0124942836

ربنا يصبرهم يا رب

كل سنه وكل امهات الشهداء بخير

حلووه يا مصر

انا فخووووره انى مصريه كان يوم جميل جدااااااا
ستات رجاله صغيرين وكبار وبنات وصبيان كتييييييييييير وعواجيز اكتر
نظام فى الطوابير والعواجيز يدخلوا على طول من غير ما يقفوا
محدش بياخد مكان حد ॥ محدش بيضايق حد
محدش متضايق من الطابور الطويل

انا نزلت انا وماما واخويا وخالتو الساعه عشره وربع واحنا ماشيين لاقينا من
الشوارع طالع مجموعات ولاد كتيره وستات مع ولادهم ومع بناتهم جسمى قشعر كاننا رايحين نصلى العيد
الناس ماشيه مبسوطه وبكل نظام دخلنا المدرسه وقفنا فى الطابور كان اكتر من 200 واحد وواحده
ماما شافت زمايل ليها من زمان مش قابلتهم
وشويه والعسكرى دخلنا تحت السلم عشان الشمس
واحنا واقفين وصل مجموعه من كبار السن شكلهم كانوا متفقين مع بعض حوالى 8طلعناهم على طول
عشر دقايق كده وطلعنا وقفنا فى الطابور فوق برده

شويه ودخلنا المستشار شاف البطاقه ومضيت وعلمت وكله تمام
الصندوق بتاعى كان الساعه 10 ملياااان على عينه ولا اكتر من 400 ورقه جواه بعد ساعتين بس
واحنا مروحين قابلنا بنت عمتى وجوزها وبنتها
ااااااااخر ما كنت اتخيل انهم ينزلوا ولا يحطوا فى دماغهم الموضوع دا قلتلهم هتقولوا ايه
قالوا لااااااااااااااااا وضحكنا وشويه وكملنا طريقنا

شويه لاقيت زميلتى فى الشغل رايحه مع جوزها قلت لها هتقولى ايه قالت لى نعم ... قلت لها لاااا قولى لاااااا
والناس كلها رايحه مبسوطه والضحكه ماليه وشها بشكل مش طبيعى

بعدها رحت مشوار رجعت ع الساعه 2 وكانت بنت عمى مصوتتش قولت لها مش هسيبك غير لما تروحى وتقولى رايك
عملت شبكه اتصالات وباقى العيله اللى مصوتش فيها قلتلهم يلا اجهزوا عشان هنروحوا تصوتوا وانا رحت معاهم عشان اشوف الجو عامل ايه

بس ساعتها الطابور كان طوووووويل جداااااا والشمس كانت فظيعه وشوفت قرايب ليا مكنتش اتخيل انى اشوفهم ولاقيت جيرانى نازلين
وناس رايحه باطفالها الصغيرين واللى رايح لابس علم مصر

شويه ودخلت ست عجوزه بعكاز الكل وسع لها وهى دخاله بتقول ... وسع انت وهو وسع انا عندى 75سنه وعايزه اقول لا
انا عايزه اللحمه ب عشرين قرش وعايزه شقه ... وعايزه اتجوز ॥ )) كل الناس قعدت تضحك معاها واللى يقولها مش لما نتجوز احنا
مكملتش خمس دقايق والست بعد ما خلصت ونازله ماسكه فى واحد واحد تقوله قول لا قول لا
لحد ما واحد من الاخوان قابلها وطبعا مكنش عاجبه كلامها فرد عليها برخامه عليها
ـــــــــــــــ

بس اللى ضايقنى ان اللجان فى الدور التانى وفى ناس عواجيز ممكن تتعب من السلم
او متقدرش تطلع السلم زى ما كنا عايزين ناخد تيته معانا بس عشان السلم ومتتعبش منه

عموما سواء الاغلبيه نعم او لا ...كفايه ان دى اراده الشعب ورغبيته ودى الديموقراطيه اللى كنا بنسمع عنها

ومبرووووووووووك علينا مصر

ويااااااارب يكتب الخير لمصر ديمااااااا

امتحان للشعب डी:डी:

الواحد حاسس ولا اللى داخل امتحان
من اول الاسبوع وانا حسه انى دماغى اتخرمت من كتر اللى سمعته واللى قريته
من اللى عايزين نعم واللى عايزين لا

اول مره الواحد يحس باهميه صوته وان الكلمه اللى هيقولها هتفرق
دى تانى مره هنزل فيها واقول راى
يمكن الانتخابات اللى فاتت العضو اللى رشحته واللى اديته صوتى كسب بس انا مش عارفه
هو كسب عشان سمعته الكويسه و لان الناس فعلا زهقت من الحرامى اللى كان نازل قصاده
ولا كسب عشان هو حزب وطنى ؟؟؟؟؟؟؟؟؟

انا كنت الاول مع حزب نعم ...لكن حزب لا هو اللى اقنعنى فى الاخر

صلاحيات الرئيس لسه زى ما هى ... ومنضمنش اللى جاى هيعدلها ولا هيسيبها زى ماهى و الشعب يغنى شالوا الدو جابو شاهين

॥ ومجلس الشعب اللى هيجى مش هيفرق حاجه عن اللى قبله
يبقى احنا عملنا ايه ؟؟؟؟؟؟؟؟؟؟؟؟

وجع ساعه ولا كل ساعه
عايزين دستور جديد الرئيس فيه يكون موظف فى الدوله ॥ مش الدوله تبقى عزبه ابوه


بس لو النتيجه طلعت الاغلبيه لنعم انا مش هزعل لانى برده عايزه استقرار للبلد وربنا يكتب لنا اللى فيه الخير

انا متفائله جداااااا ناس كتيره نازله وهتشارك ناس عمرها ما اتكلمت فى السياسه يوم الانتخابات كان يوم اجازه بالنسبه لها
وناس مكنش ليها الحق تنتخب هتنزل ... يوم السبت نازله انا وعيلتى كلها هنزل انا وعماتى كلهم وخالتى
واحتمال ناخد تيته كمان معانا عشان نقول راينا

ياااااااااارب الشعب ينجح يوم السبت डी:

لِأَوَّل مَرَّه اشْتَهَي الْغِيَاب هَكَذَا ॥

” عَن كُل شَيْء “

أَحْتَاج الَى رِحْلَة غِيَاب أَنِيْقَة تَنْتَهِي بِمَوْكِب جَمِيْل.

تعبت يااااااااااارب

حسبى الله ونعم الوكيل فى كل اللى ظلمونى وكل اللى اذونى بكلامهم وافكارهم

حسبى الله ونعم الوكيل منكم لله

جزاكم عند ربنا وانا واثقه ان ربنا هيجيب لى حقى

بس انا تعبت بقى مش عارفه اتعامل مع الناس دى ازاى

واضح ان انا هفضل اسيره احزان كتير واسيره الماضى واسيره حياتى

انا تعبت بقى من دور القويه اللى انا بمثله على طول دا

يا رب تعبت