الواحد حاسس ولا اللى داخل امتحانمن اول الاسبوع وانا حسه انى دماغى اتخرمت من كتر اللى سمعته واللى قريته
من اللى عايزين نعم واللى عايزين لا
اول مره الواحد يحس باهميه صوته وان الكلمه اللى هيقولها هتفرق
دى تانى مره هنزل فيها واقول راى
يمكن الانتخابات اللى فاتت العضو اللى رشحته واللى اديته صوتى كسب بس انا مش عارفه
هو كسب عشان سمعته الكويسه و لان الناس فعلا زهقت من الحرامى اللى كان نازل قصاده
ولا كسب عشان هو حزب وطنى ؟؟؟؟؟؟؟؟؟
انا كنت الاول مع حزب نعم ...لكن حزب لا هو اللى اقنعنى فى الاخر
صلاحيات الرئيس لسه زى ما هى ... ومنضمنش اللى جاى هيعدلها ولا هيسيبها زى ماهى و الشعب يغنى شالوا الدو جابو شاهين
॥ ومجلس الشعب اللى هيجى مش هيفرق حاجه عن اللى قبله
يبقى احنا عملنا ايه ؟؟؟؟؟؟؟؟؟؟؟؟
وجع ساعه ولا كل ساعه
عايزين دستور جديد الرئيس فيه يكون موظف فى الدوله ॥ مش الدوله تبقى عزبه ابوه
بس لو النتيجه طلعت الاغلبيه لنعم انا مش هزعل لانى برده عايزه استقرار للبلد وربنا يكتب لنا اللى فيه الخير
انا متفائله جداااااا ناس كتيره نازله وهتشارك ناس عمرها ما اتكلمت فى السياسه يوم الانتخابات كان يوم اجازه بالنسبه لها
وناس مكنش ليها الحق تنتخب هتنزل ... يوم السبت نازله انا وعيلتى كلها هنزل انا وعماتى كلهم وخالتى
واحتمال ناخد تيته كمان معانا عشان نقول راينا
ياااااااااارب الشعب ينجح يوم السبت डी:
هناك 6 تعليقات:
أختى الكريمة
وأنا بأضم صوتى لصوتك وبأقول لا لترقيع الدستور ... نعم لدستور جديد .
فينك من زمان ؟؟؟
تحياتى ودمتى بكل الود
أخوك / تامر
انا متفقه معك
مدونتك جميله
اقبلى مرورى وصداقتى وانا ح اوافق على طلب الصداقه لان ده شئ يسعدنى
اكيد لا
وربنا يحفظ مصر
Days and Nights ...mrmr ...Ms Venus
شرفتونى وان شاء الله اللى فيه الخير لمصر ربنا يوفقنا ليه
نعم تؤدى للفوضى الامنية و الاقتصادية عكس ما يروج الحزب الوطنى
سأقول ( لا ) لأن مصر المرهقة لا تحتمل أن تجري انتخابات لمجلس الشورى ثم مجلس الشعب ثم انتخابات الرئاسة ثم استفتاء على دستور جديد ثم اذا صدر دستور جديد فإن مقتضى ذلك سقوط المجلسين والرئيس لنعود مرة أخرى الى انتخابات الشعب ثم الشورى ثم الرئاسة ، فاذا كنا نسعى الى دستور جديد فلماذا هذه الدورة المرهقة ، ولماذا لا يكون الدستور الجديد أولا ؟
لكن انا ضد ان الناس واثقة تماما فى نزاهة الاستفتاء
استمارات التصويت اصلا بتوزع فى الشارع و مع الناس حتى فى الصعيد و بيكتب فيها نعم و يدوها للناس عشان يحطوها فى الصندوق و يرجعوا بالفاضية فياخدوا مكرونة و زيت و ان فيه ناس تانية بياخدوا منهم صورة الرقم القومى (زى الوراق مثلا) و يدوهم اى حاجة فى المقابل فقدت حماسى لان كده بقت تمثيلية زى كل مرة و مش فارق حاجة و الاسوأ ان دى بروفة لانتخابات الرئاسة و بالتالى احنا رجعنا لنقطة ما قبل 25 يناير و همه ح يعملوا اللى عايزينه و الاهم ان التعديل بتاع المادة 76 اللى المفروض ان يتوافق عليها بيمنع الطعن على نتيجة انتخابات الرئاسة يعنى ح يزوروا و ماحدش يفتح بقه و لما يبقى يجى رئيس جديد نتيجته مشكوك فيها يبقى يحط دستور هو و مجلس الشعب اللى ح يبقى مش ممثل للشعب بعد فيلم الاستمارة الدوارة ده
الاستمارات اللى فى الشارع بقالها تلت ايام هنا
http://www.facebook.com/album.php?aid=647424&id=522785413&fbid=10150448781095414
Tears
انا قريت البوست بتاعك اكتير من 20 مره فى كذا مدونه وكلهم كوبى وبيست فى كذا مكان انتى ايه اللى اكد لك ان اللى حاطط الصور دى صح
ما اليوم السابع منزل نموذج للبطاقه الانتخابيه وسهل جدا بالفوتوشوب يتعدل فى الصور ويتحط ختم عشان نعمل بلبله وقلق فى البلد
وانتى شوفتى بعنيكى الكلام اللى بتقوليه دا ولا سمعتيه وبتنقليه ؟؟؟؟ اكيد سمعتيه لانك مش هتعيشى فى الصعيد وبولاق فى نفس الوقت
ياريت كل واحد ميساعدش على نشر الشائعات
إرسال تعليق